Թրամփը Փարիզում հանդիպելու է Էմանուել Մակրոնին. Սպիտակ Տուն

02:44 • 12.07.17

ԱՄՆ-ի ու Ֆրանսայի նախագահներ Դոնալդ Թրամփն ու Էմանուել Մակրոնը կքննարկեն Սիրիան ու ահաբեկչության դեմ պայքարը Փարիզում իրենց հանդիպման ընթացքում, հաղորդել է Թրամփի պաշտոնական ներկայացուցիչը:

Մակրոնը Թրամփին հրավիրել է այցելել Ֆրանսիա՝ հուլիսի 14-ին Բաստիլի օրվա տոնակատարությունների առիթով, որի ժամանակ տեղի կունենա 2 նախագահների երկկողմանի հանդիպումը։


«Մենք որոշ տարակարծություններ ունենք ինչ-ինչ հարցերի շուրջ,  սակայն հիմնականում մեր տեսակետները համընկնում են»,- նշել է Թրամփի պաշտոնական ներկայացուցիչը՝ խոսելով ԱՄՆ-ի և Ֆրանսիայի հարաբերությունների մասին: