Աֆղանստանում ականի պայթյունը 4 երեխայի կյանք է խլել

12:32 • 13.07.17

Աֆղանստանի հյուսիս-արևելքում ականի պայթյունը 4 երեխայի կյանք է խլել:

Ինչպես հայտնում է РИА Новости գործակալությունը, երեխաներն ականը հայտնաբերել են փողոցում խաղալիս և սկսել խաղալ դրա հետ: Երբ վերջիններս քար են նետել ականի վրա` այն պայթել է, ինչի հետևանքով 4 երեխա մահացել է:

Դեպքը տեղի է ունեցել Բաղլան նահանգի Բուրկա շրջանում, որը գտնվում է զինված գրոհայինների վերահսկողության տակ:

Վերջին շրջանում Աֆղանստանում տիրող իրավիճակը կրկին վատթարացել է. «Թալիբան» խմբավորման զինյալները, որոնք իրենց ենթակայության տակ էին պահում երկրի գյուղական շրջանների զգալի մասը, այժմ ուղղություն են վերցրել դեպի մեծ քաղաքներ: Բացի այդ, երկրում ուժեղացել է «Իսլամական պետություն» ահաբեկչական խմբավորման ազդեցությունը: