ԱՄՆ նախկին նախագահ Ջիմի Քարթերը հոսպիտալացվել է Կանադայում
ԱՄՆ նախկին նախագահ Ջիմի Քարթերին Կանադայում հիվանդանոց են տեղափոխել ջրազրկման պատճառով: Այս մասին հաղորդում է Gazeta.ru-ն` մեջբերելով «Քարթերի կենտրոնի» հայտարարությունը:
«ԱՄՆ նախկին նախագահ Ջիմի Քարթերն այսօր ջրազրկվել է Կանադայի Մանիտոբա նահանգում «Բնակավայրեր մարդկության համար» կառույցի շինհրապարակում գտնվելիս», - ասվում է հաղորդագրության մեջ:
Հաղորդվում է, որ նրան հոսպիտալացրել են ելնելով անվտանգության նկատառումներից: Նախկին քաղաքական գործիչը գտնվում է Սուրբ Բոնիֆասի անվան հիվանդանոցում: Այնտեղ նրա հետ է իր կինը:
2016-ի մարտին հաղորդվում էր, որ Ջիմի Քարթերն ավարտել է քաղցկեղի դեմ բուժման կուրսը:










