Մահացել է «մաթեմատիկայի Նոբելյան մրցանակի» առաջին կին դափնեկիրը 

19:17 • 15.07.17

 

ԱՄՆ-ում մահացել է իրանուհի մաթեմատիկոս Մարիամ Միրզահանին, ով երեք տարի առաջ դարձել է պատմության մեջ առաջին կինը, ով արժանացել է մաթեմատիկայի ասպարեզում ամենահեղինակավոր` Ֆիլդսովյան մրցանակի: Այս մասին հայտնում է BBC-ն: 

Քանի որ մաթեմատիկներին Նոբելյան մրցանակ չի շնորհվում, այս պարգևատրությունը հաճախ կոչվում է «Մաթեմատիկայի Նոբելյան մրցանակ»: 

Մարիամ Միրզահանին 40 տարեկան էր: 2013 թվականին նրա մոտ կրծքագեղձի քաղցկեղ է ախտորոշվել, իսկ շաբաթներ առաջ նրա մոտ մետաստազներ են հայտանբերվել ոսկրածուծում: 

Միրզահանին Ֆիլդսովյան մրցանակ է ստացել 2014 թվականին «Ռիմանի մակերևույթների երկրաչափությունում և դինամիկայում, ինչպես նաև դրանց մոդուլներում տարածությունների տեսության մեջ ունեցած ներդրման» համար: Այսպիսով, նա դարձել է առաջին կին դափնեկիրը և առաջին իրանցի դափնեկիրը: