Ստոլտենբերգն Անկարային և Բեռլինին կոչ է արել պայմանավորվել Կոնիայում ՆԱՏՕ-ի բազայի շուրջ
ՆԱՏՕ-ի գլխավոր քարտուղար Յենս Ստոլտենբերգն անհանգստացած է Թուրքիայի իշխանությունների որոշումով՝ արգելել գերմանացի պատգամավորներին այցելել ՆԱՏՕ-ի ռազմակայան Կոնիայում, որտեղ գերմանական կոնտինգենտ է տեղակայված:
«Մենք հուսով ենք, որ երկու երկրները կկարողանան համաձայնեցնել այցելության ժամկետը, որը հարմար կլինի երկուսին էլ»,- հայտնել է Ստոլտենբերգի ներկայացուցիչը:
ՆԱՏՕ-ի մտահոգությունները կապված են Կոնիայից գերմանական զորքերի հնարավոր դուրս բերման հետ, ինչը կարող է ազդել Իսլամական պետության դեմ պայքարում միջազգային կոալիցիային ցուցաբերած ՆԱՏՕ-ի աջակցության վրա։










