Կանադայի գլխավոր նահանգապետը բացատրել է, թե ինչու է խախտել թագուհուն դիպչելու արգելքը (տեսանյութ)
Մեծ Բրիտանիայի Էլիզաբեթ Երկրորդ թագուհին չորեքշաբթի այցելել է Լոնդոնում գտնվող Կանադայի տուն` Կանադայի Համադաշնության 150-ամյակին նվիրված միջոցառմանը:
Ինչպես տեղեկացնում է The Independent-ը, միջոցառման ժամանակ Կանադայի գլխավոր նահանգապետ Դևիդ Ջոնսթոնը խախտել է Էլիզաբեթ Երկրորդ թագուհուն դիպչելու մասին ոչ պաշտոնական արգելքը:
Ավելի ուշ կանադացի պաշտոնյան մեկնաբանել է իր արարքն` ասելով, որ թեթևակի օգնել է թագուհուն աստիճաններով իջնելիս, քանի որ այնտեղ փռված գորգը կարող էր սայթաքելու պատճառ դառնալ: «Այդ պահին մտածեցի, որ կարելի է խախտել այդ արգելքը», - ընդգծել է գլխավոր նահանգապետը:
The Queen received a special brooch to honour her sapphire jubilee and #Canada150 at Canada House in London today: https://t.co/n4gDF5GBRK pic.twitter.com/OW2onDWSqZ
— Yahoo Canada (@YahooCanada) July 19, 2017










