Շանհայում շենքի փլուզման հետևանքով 5 մարդ է մահացել (տեսանյութ)

09:33 • 22.07.17

Շանհայում շենքի փլուզման հետևանքով 5 մարդ է մահացել, հայտնում է «ՌԻԱ Նովոստի» գործակալությունը՝ Չինաստանի կենտրոնական հեռուստաընկերությանը հղումով։


Եռահարկ շենքը փլուզվել է Ցզյադին շրջանում, ուրբաթ՝ օրվա երկրորդ կեսին։ Արտակարգ պատահարի պատճառը դեռ անհայտ է։


Փրկարարական գործողությունը սկսվել է միջադեպից անմիջապես հետո, փլատակների տակից հաջողվել է դուրս բերել վեց մարդու, սակայն նրանցից հինգն ավելի ուշ մահացել են հիվանդանոցում։

 
Իրավապահ մարմինները հետաքննություն են վարում՝ պարզելու միջադեպի պատճառները։