Լեհաստանի Սենատը, չնայած բողոքի ցույցերին, ընդունել է Գերագույն դատարանի մասին վիճահարույց օրենքը (լուսանկարներ)
Լեհաստանի խորհրդարանի վերին պալատը՝ Սենատը, չնայած բողոքի ցույցերին, ընդունել է ստորին պալատի՝ Սեյմի կողմից ավելի վաղ ընդունված Գերագույն դատարանի մասին օրենքը, հայտնում է korrespondent.net-ը։
Օրենքի ընդունումն ուղեկցվել է Սենատի և Գերագույն դատարանի շենքերի առաջ զանգվածային բողոքի ցույցերով։
Նախագահ Անջեյ Դուդայի ստորագրությունից հետո օրենքը կմտնի ուժի մեջ։
Ընդդիմությունն այս փաստաթուղթը համարում է «հարձակում ժողովրդավարության հանդեպ»։ Համաձայն օրենքի՝ Գերագույն դատարանը կենթարկվի երկրի արդարադատության նախարարությանը։ Արդարադատության նախարարը կարող է ինքնուրույն նշանակել վերաքննիչ ու շրջանային դատարանների ղեկավարներին՝ առանց արդարադատության համակարգի ներկայացուցիչների հետ խորհրդակցելու։















