Աշխարհի ամենատիտղոսակիր լողորդը չի կարողացել հաղթել «սպիտակ շնաձկանը» (տեսանյութ)
Ամերիկացի լողորդ Մայքլ Ֆելպսը, որը 23 անգամ հաղթել է Օլիմպիական խաղերում, պարտվել է «շնաձկան» հետ լողի 100 մետրանոց մրցման ժամանակ, հայտնում է The Daily Mail-ը:
Հայտնի է, որ 32-ամյա մարզիկը մրցել է ոչ թե իրական սպիտակ շնաձկան, այլ դրա համակարգչային կրկնօրինակի հետ:
Մրցումն անցկացվել է Հարավաֆրիկյան Հանրապետության Մոսելբայ քաղաքում: Ֆիքսված կադրերում երևում է, որ Ֆելպսը կրել է հատուկ կոստյում, սակայն նույնիսկ դա չի օգնել նրան հաղթել ձկանը:
Աղբյուրը մանրամասնում է, որ լողորդը 2 վայրկյանով զիջել է «շնաձկանը»: Նշվում է, որ Ֆելպսը 100մ տարածությունը հաղթահարել է 38.1, իսկ «շնաձուկը»՝ 36.1 վայրկյանում:
Հայտնի է, որ համացանցի օգտատերերից շատերը դժգոհել են այն փաստից, որ Ֆելպսն իրականի փոխարեն մրցել է արհեստական շնաձկան հետ:













