Ավտովթար Իսակովի պողոտայում. մեքենան ամբողջովին այրվել է
Հուլիսի 24-ին, ժամը 23:12-ին ահազանգ է ստացվել, որ Երևան քաղաքի Իսակովի պողոտայում գտնվող Ոստիկանության ակադեմիայի մոտակայքում տեղի է ունեցել ՃՏՊ՝ հրդեհի բռնկումով:
Պարզվել է, որ Volkswagen Golf 4 մակնիշի 60 LA 099 պետհամարանիշի (վարորդ՝ 1995 թ. ծնված Լ. Ա.) ավտոմեքենան դուրս է եկել ճանապարհի երթեկելի հատվածից, բախվել ճամփեզրին գտնվող գազատար խողովակը պահող սյանը, այնուհետև բախվել պատին, ինչի հետևանքով ավտոմեքենան հրդեհվել է։
Մինչ փրկարարների՝ կանչի վայր հասնելը վարորդ՝ Լ. Ա.-ը տեղի ուժերով դուրս է բերվել ավտոմեքենայից և հոսպիտալացվել Աստղիկ ԲԿ:
Հրդեհը մեկուսացվել է ժամը 23:30-ին, մարվել՝ 23:39-ին: Այրվել է Golf 4 մակնիշի ավտոմեքենան՝ ամբողջությամբ:










