Իսպանիայում տղամարդը, «Ալլահու աքբար» բացականչելով, հարձակվել է ոստիկանների վրա

13:20 • 25.07.17

Իսպանիայի ազգային ոստիկանությունը ձերբակալել է տղամարդու, որն իսպանական Մելիլյայի և Մարոկկոյի սահմանին դանակով հարձակվել է իրավապահ մարմինների աշխատակիցների վրա: Այս մասին հայտնել է Իսպանիայի ՆԳ նախարար Խուան Իգնասիո Սոիդոն:

Աղբյուրի հաղորդմամբ՝ միջադեպը տեղի է ունեցել Մելիլյայի Բենի Անսար կոչվող անցակետում:

Նշվում է, որ հարձակման պահին տղամարդը վանկարկել է «Ալլահու աքբար» արտահայտությունը:

«Ոստիկանությունը ձերբակալել է տղամարդուն, որը Բենի Անսար անցակետում դանակով հարձակվել է ոստիկանների վրա. նրանցից մեկը թեթև վնասվածք է ստացել», - ասել է Իսպանիայի ՆԳ նախարարը: