Իվանկա Թրամփը Սմիթսոնյան թանգարանում հեքիաթ է կարդացել երեխաների համար (լուսանկարներ)
Միացյալ Նահանգների նախագահ Դոնալդ Թրամփի ավագ դուստր Իվանկան, որը նաև զբաղեցնում է հոր օգնականի պաշտոնը, Վաշինգտոնի Սմիթսոնյան թանգարանում հանդիպել է մի խումբ երեխաների հետ ու նրանց համար հեքիաթ կարդացել:
Ինչպես նշում է The Daily Mail-ը, սա հրաշալի առիթ էր 3 երեխայի մոր համար ի ցույց դնելու իր բնավորության մեղմ կողմը: Նշվում է, որ 35-ամյա Իվանկան անմիջական շփում է ունեցել փոքրիկների հետ, անկաշկանդ զրուցել ու ծիծաղել է:
Հայտնի է, որ հեքիաթը կարդալուց հետո նախագահի դուստրը հաճույքով լուսանկարվել է նրանց հետ:
Աղբյուրը մանրամասնում է, որ մանուկների հետ հանդիպումից հետո Իվանկան մասնակցել է փոխնախագահ Մայք Փենսին նվիրված միջոցառմանը:















