Ռուսաստանում կես տարվա ընթացքում կանխվել է 12 ահաբեկչություն
Ռուսաստանի Դաշնության ուժային կառույցները 2017 թվականի առաջին կեսի ընթացքում 12 ահաբեկչություն են կանխել: Այդ մասին հայտարարել է երկրի գլխավոր դատախազի առաջին տեղակալ Ալեքսանդր Բուքսմանը, գրում է «ՌԻԱ Նովոստի»-ն:
«Գրանցվել է 13 ահաբեկչական գործողություն, որոնցից 12-ը կանխվել են նախապատրաստման փուլում»,- ասել է նա կոլեգիայի նիստի ժամանակ:
Չի հաջողվել կանխել ապրիլի 3-ին Սանկտ Պետերբուրգի մետրոյում տեղի ունեցած ահաբեկչությունը, որտեղ իրեն մահապարտ էր պայթեցրել: Եվս մի պայթյուն՝ մետրոյի մեկ այլ կայարանում հաջողվել է կանխել՝ ժամանակին հայտնաբերելով ռումբը:
Պայթյունի հետևանքով զոհվել է 16 մարդ, այդ թվում՝ ահաբեկիչ Ակբարժոն Ջալիլովը: Այդ ահաբեկչական հարձակման շրջանակներում ձերբակալվել է տասը մարդ:










