Amazon-ի ղեկավար Բեզոսը մեկ օրում զրկվել է աշխարհում ամենահարուստ մարդու կոչումից
Ամերիկյան Amazon ընկերության գործադիր տնօրեն Ջեֆ Բեզոսը մեկ օր է մնացել աշխարհի ամենահարուստ մարդկանց կարողությունը գնահատող Forbes-ի The World’s Billionaires վարկանշային ցանկի առաջին հորիզոնականում, գրում է lenta.ru-ն:
Հուլիսի 28-ի տվյալներով՝ առաջին տեղում իր դիրքն է վերադարձրել Microsoft ընկերության հիմնադիր Բիլ Գեյթսը:
Բեզոսի կարողությունը հուլիսի 28-ի դրությամբ կրճատվել է 543 միլիոն դոլարով և գնահատվում է 88,7 միլիարդ դոլար, մինչդեռ Գեյթսի կարողությունը կազմում է 89,8 միլիարդ:
Միևնույն ժամանակ, Bloomberg-ի վարկածով՝ Բեզոսի կարողությունը 89,3 միլիարդ դոլար է, իսկ Գեյթսինը՝ 90,7 միլիարդ:
Forbes-ի և Bloomberg-ի վարկածներով՝ վարկանշային ցանկում երրորդ տեղը զբաղեցնում է Inditex հոլդինգի ղեկավար Ամանսիո Օրտեգան՝ 82,7 միլիարդ դոլար կարողությամբ:
Վարկանշային ցանկում առաջատար դիրքը կորցնելու պատճառը դարձել է Amazon-ի արժեթղթերի անկումը եռամսյակային հաշվետվության հրապարակման ֆոնին:
Փաստաթղթի համաձայն՝ մաքուր շահույթը կրճատվել է 77 տոկոսով և կազմել է 197 միլիոն դոլար 2016 թվականի երկրորդ եռամսյակում 857 միլիոն դոլարի համեմատ: Ընդ որում՝ հասույթն աճել է 25 տոկոսով:










