Հայաստանի 48-ամյա քաղաքացին փորձել է ճահճի միջով հատել Բելառուսի սահմանը
Բելառուսի «Նովայա Գուտա» անցակետի շրջանում Հայաստանի 48-ամյա քաղաքացին փորձել է անցնել սահմանը դժվարանցանելի տարածքով, հայտնում է gp.by կայքը:
Նշվում է, որ նախկինում նա արդեն խախտել էր սահմանային օրենսդրությունը, ինչի պատճառով ժամանակավորապես սահմանափակվել էր նրա մուտքը երկիր:
Գոմելի սահմանապահների խմբի գաղափարական աշխատանքի բաժնի սպա Վիկտոր Սոլովեյն ընդգծել է, որ իրավախախտին հաջողվել է հայտնաբերել ընդամենը 20 րոպեում: Նրան սպառնում է տուգանք:










