Ղրիմի ափերի մոտ բեռնանավ է շրջվել
Ղրիմի ափերի մոտ աղետի է ենթարկվել Anda բեռնանավը, որում եղել է 9 հոգանոց անձնակազմ, հայտնում է «ՌԻԱ Նովոստի» գործակալությունը՝ Ղրիմի արտակարգ իրավիճակների ծառայությանը հղումով։
Անձնակազմի երեք անդամին փրկել են, վեցի ճակատագիրն անհայտ է մնում։ Նավում գտնվել են Սիրիայի և Հնդկաստանի քաղաքացիներ։
Արտակարգ պատահարը տեղի է ունեցել Սև ծովի ավազանում՝ Ալուպկա բնակավայրից 40 կմ հարավ։ Նավը տեղափոխում էր 24.000 տոննա ցորեն։
Անձնակազմի անդամների որոնման գործում ներգրավվել են նավեր և ուղղաթիռ։
Նշվում է, որ այժմ ծովում ուժեղ փոթորիկ է։










