Վլադիվոստոկում բանտի հիվանդանոցում 4 բանտարկյալ է մահացել

06:57 • 31.07.17

Ռուսաստանի արևելյան Վլադիվոստոկ քաղաքում Պատիժների կատարման դաշնային ծառայության վարչության հիվանդանոցում բռնկված հրդեհի հետևանքով 4 բանտարկյալ է զոհվել։ Այս մասին գրում է ՏԱՍՍ լրատվական գործակալությունը:

Բուժհաստատության տնտեսական շինության ներսում բռնկված հրդեհի հետևանքով կանչել են հրշեջ աշխատողներին, որոնք մի կերպ մարել են կրակը։ Սակայն չորս դատապարտյալները մահացել են ուժեղ ծխի պատճառով։

Նշանակվել է ծառայողական ստուգում, այժմ ճշտվում են կատարվածի բոլոր մանրամասները: