Գերմանական վերջին օդանավը հեռացել է Թուրքիայի Ինջիրլիք ավիաբազայից
Գերմանական վերջին հետախուզական Tornado օդանավը հեռացել է Թուրքիայի Ինջիրլիք ավիաբազայից և վերադարձել Գերմանիա, հայտարարել է երկրի Պաշտպանության նախարարության ներկայացուցիչը, ինչպես փոխանցում է Ռոյթերզ գործակալությունը:
Թուրքիայում տեղակայված հինգ Tornado-ներից վերջինը վայրէջք է կատարել Բյուխել բնակավայրի մոտ գտնվող ավիաբազայում։
Գերմանիայի խորհրդարանը հունիսի 21-ին հավանություն էր տվել զինծառայողների դուրսբերմանն ու Հորդանանում նրանց տեղակայմանը, ինչը կապված է Ինջիրլիք բազա գերմանացի պատգամավորներին ներս թողնելու՝ Թուրքիայի մերժման հետ։










