ԱՄՆ-ն Վրաստանի կողքին է. Դոնալդ Թրամփ
ԱՄՆ փոխնախագահ Մայք Փենսն այսօր մեկնել է Վրաստան, որտեղ երկրի իշխանություններին ու բնակիչներին է փոխանցել նախագահ Դոնալդ Թրամփի ուղերձը:
Թբիլիսի ժամանած Փենսը պաշտոնական ընթրիքի ընթացքում հայտնել է Թրամփի խոսքը, թե «ԱՄՆ-ն Վրաստանի կողքին է կանգնած»։
Վրաստանի վարչապետ Գեորգի Կվիրիկաշվիլին իր հերթին նշել է, որ «ԱՄՆ-ն Վրաստանի գլխավոր ռազմավարական գործընկերն է, որի հետ իրենք ունեն ընդհանուր արժեքներ և գլոբալ անվտանգության առաջնահերթություններ՝ համընդհանուր խաղաղության ապահովման գործում»:
Հիշեցնենք, որ Մայք Փենսն իր տիկնոջ ու պաշտոնական պատվիրակության հետ Թբիլիսի է ժամանել Տալինից, որտեղ հանդիպումներ էր ունեցել Էստոնիայի, Լատվիայի ու Լիտվայի նախագահների հետ։










