Հրդեհ Լենինգրադյան փողոցում. 60-ամյա բնակիչը այրվածքներով հոսպիտալացվել է

16:27 • 02.08.17

Արտակարգ իրավիճակների նախարարություն օգոստոսի 2-ին՝ ժամը 14:19-ին ահազանգ է ստացվել, որ հրդեհ է բռնկվել Երևան քաղաքի Լենինգրադյան փողոցի թիվ 8 շենքի բնակարաններից մեկում, կան տուժածներ:

Ըստ ԱԻՆ կայքի՝ դեպքի վայր է մեկնել մեկ մարտական հաշվարկ: Պարզվել է, որ բնակարանի պատշգամբում մասամբ այրվել է կարի մեքենա և գազի բալոնից (3 կգ) արտահոսած գազը:


Մինչ հրշեջ-փրկարարների՝ կանչի վայր հասնելը գազի բալոնը բնակարանից դուրս է բերվել տեղի ուժերով:


Բնակարանի բնակիչ՝ 1957 թ. ծնված Ա. Հ.-ը ստացել է այրվածքներ և հոսպիտալացվել «Ճառագայթային բժշկության և այրվածքների գիտական կենտրոն» ՓԲԸ: Բժիշկները նրա առողջական վիճակը գնահատել են ծանր:

Հրդեհը մեկուսացվել է ժամը 14:32-ին, մարվել՝ 14:39-ին: