Հրապարակվել է կանադական Airbus A320 օդանավի վայրէջքի լուսանկարը, որը հրաշքով է խուսափել «դարի աղետից»
Համացանցում հայտնվել է լուսանկարը, որի վրա երևում է՝ ինչպես է Air Canada ավիաընկերությանը պատկանող Airbus A320 ինքնաթիռը կատարել իր պատմական վայրէջքը՝ կանխելով «դարի աղետը», գրում է Associated Press-ը:
Ինքնաթիռը ընդամենը 18 մետր բարձրության վրա գտնվելիս քիչ է մնացել բախվեր միանգամից 4 այլ օդանավերի հետ Սան Ֆրանցիսկոյի օդանավակայանում: Հայտնի է, որ վայրէջք կատարող ինքնաթիռում կային ուղևորներ:
Նշվում է, որ եթե դիսպետչերը չհասցներ ժամանակին զգուշացում հղել օդաչուներին՝ միանգամից 4 օդանավեր բախվելով իրար կարող էին պատճառ դառնալ պատմության մեջ ամենախոշոր ավիավթարի:










