Հրդեհ Իսակովի պողոտայում. Ամբողջությամբ այրվել է սպունգի արտադրամասը

01:06 • 05.08.17

Օգոստոսի 4-ին, ժամը 18:23-ին ահազանգ է ստացվել, որ Երևան քաղաքի Իսակովի պողոտայում գտնվող սպունգի մեկ հարկանի արտադրամասում հրդեհ է բռնկվել:

Հրդեհի բարդության 2-րդ կանչով դեպքի վայր են մեկնել վեց մարտական հաշվարկ, Ճգնաժամային կառավարման ազգային կենտրոնի արտակարգ իրավիճակների արձագանքման և օպերատիվ խմբերը:

Պարզվել է, որ հրդեհը բռնկվել է Իսակովի պողոտայի թիվ 22 հասցեում գտնվող ընկերության տարածքում:

Հրդեհը մեկուսացվել է ժամը 19:08-ին, մարվել՝ 19:44-ին:

Այրվել է սպունգի արտադրամասը՝ ամբողջությամբ (ներսում կուտակված հումք և սարքավորումներ, 600 քմ):

Դեպքի վայրում են գտնվել ԵՓՎ պետ փ/ծ գեներալ մայոր Ն. Նազարյանը և ՓԾ օրվա պատասխանատու փ/ծ գնդապետ Տ. Գիդաչյանը: