Լվովի հոգեբուժարանի հիվանդներից մեկը պատանդ է վերցրել 76 հոգու (տեսանյութ)
Ուկրաինայի Լվով քաղաքում իրավապահ մարմինների աշխատակիցներն ազատ են արձակել բոլոր պատանդներին, որոնց պատանդառել էր տեղի հոգեբուժարանի հիվանդներից մեկը։ Այս մասին հայտնում է lenta.ru-ն՝ քաղաքի պարեկային ոստիկանության Facebook-յան էջին հղումով։
Հոգեբուժարանի աշխատակիցներն իրավապահներին կանչել են ուրբաթ երեկոյան։ Նրանց խոսքերով՝ իրենց հիվանդներից մեկն արգելափակել է կլինիկայի բաժանմունքներից մեկի մուտքը, որտեղ այդ պահին 76 հիվանդ է գտնվել, և սկսել սպառնալ ֆիզիկական բռնությամբ։
Դեպքի վայր ժամանած ոստիկանները որոշել են գրոհ կազմակերպել շենքի վրա։ Այդ ժամանակ պատանդառուն կոտրել է պատուհաններից մեկն ու ապակու կտորներվ վնասվածքներ հասցրել 10 մարդու։ Ավելի ուշ նրանցից վեցը հոսպիտալացվել են։ Բացի այդ, գրոհի ընթացքում 5 ոստիկան է տուժել։
Պատանդառուն Լվովի 30-ամյա բնակիչ է, որը հոգեբուժարանում հարկադիր բուժման է գտնվել հորը սպանելու համար։ Նա հորը դանակով 72 հարված էր հասցրել։
Որոշվում է նրա դեմ քրեական գործ հարուցելու հարցը։










