Երևանում հայրն աթոռով հարվածել է դստեր գլխին
Երևանի կենտրոնի բնակիչներից մեկը ֆիզիկական բռնության է ենթարկվել ծնողի կողմից:
Ոստիկանության ԶԼՄ-ների հետ կապի բաժնի պետ Էդգար Ջանոյանը Tert.am-ի հետ զրույցում ասաց, որ ոստիկանությունը նման ահազանգ ստացել է:
«Օգոստոսի 6-ին՝ ժամը 00:20-ին հաղորդում է ստացվել, որ աղջիկը զանգահարել է ոստիկանության բաժին և հայտնել, որ վիճաբանության ժամանակ հայրն աթոռով հարվածել է իր գլխին, ինչի հետևանքով իրեն պատճառվել է վնասվածք»,- ասաց Էդգար Ջանոյանը:
Ոստիկանությունից հայտնեցին, որ նշանակվել է դատաբժշկական փորձաքննություն, կատարվում է քննություն:










