«Ես սիրում եմ Հիտլերին» գրությամբ շապիկներով հազարավոր նեոնացիստներ «գրոհել» են գերմանական քաղաքը (լուսանկարներ)
Ավելի քան 6.000 աջ ծայրահեղական, «Ես սիրում եմ Հիտլերին» գրությամբ սադրիչ շապիկներ հագած, «գրոհել» է գերմանական Թեմար քաղաքը, որտեղ ընթացել է նեոնացիստական հայացքների տեր ռոք խմբերի մասնակցությամբ երաժշտական փառատոն:
Ինչպես նշում է The Daily Mail-ը, նեոնացիստները ֆաշիստական Գերմանիայի առաջնորդ Ադոլֆ Հիտլերին բնորոշ ձևով ողջույն են տվել, պաստառների վրա ցուցադրել են նացիստական զինվորների լուսանկարները, ինչով խախտել են Գերմանիայում գործող խիստ հականացիստական օրենքները:
Դեպքի առնչությամբ ոստիկանությունը հետաքննություն է սկսել:
Իրավապահների փոխանցմամբ՝ միջադեպը տեղի է ունեցել հուլիսի 15-ին: Հետաքննության շրջանակում արդեն ձերբակալվել է 6 մարդ:
Հայտնի է, որ մոտ 3.000 բնակչություն ունեցող Թեմարի բնակիչները փորձել են կանխել իրենց քաղաքում նեոնացիստական փառատոնի անցկացումը, սակայն ապարդյուն:
Փառատոնի ժամանակ տեղի հյուրանոցը փակվել է՝ հրաժարվելով համարներ տրամադրել Հիտլերի գաղափարակիցներին:
















