ՆԱՏՕ-ն ափսոսանք է հայտնել դեպի Աբխազիա Պուտինի այցի կապակցությամբ
ՆԱՏՕ-ն ափսոսանք է հայտնել առ այն, որ Ռուսաստանի Դաշնության նախագահ Վլադիմիր Պուտինն այցով ժամանել է Աբխազիա առանց վրացական իշխանությունների հետ համաձայնեցման, հայտնել է դաշինքի պաշտոնական ներկայացուցիչ Դիլան Ուայթը:
«ՌԴ նախագահ Պուտինի այցն Աբխազիա մեծապես կվնասի խաղաղ և համաձայնեցված կարգավորում փնտրելու միջազգային ջանքերին»,-հայտարարել է Ուայթը։
Նա նշել է, որ կառույցն ափսոսում է ռուս առաջնորդի այցի համար, ով չի համաձայնեցրել այն Վրաստանի իշխանություների հետ։
«Վրաստանի տարածաշրջաններ Աբխազիայի և Հարավային Օսիայի կարգավիճակը փոխելու որևէ փորձ մենք չենք ճանաչում»,-հավելել է ՆԱՏՕ-ի ներկայացուցիչը։










