Ռուսաստանը Ղազախստանին լիճ է «նվիրել»
Ռուսաստանի Դաշնության Նովոսիբիրսկի շրջանում գտնվող Սլադկոյե ոչ մեծ լիճը սահմանազատման աշխատանքների արդյունքում տրվել է Ղազախստանին:
Ինչպես նշում է ria.ru-ն, նախկինում լիճը մասամբ Ռուսաստանի տարածքում էր: Որսի շրջանում այն այցելում էին տեղի բնակիչները: Ի դեպ, տեղացիները շատ հանգիստ են վերաբերվել լիճը Ղազախստանին տալու նորությանը:
Աղբյուրը մանրամասնում է, որ այս տեղանքում սահմանազատման աշխատանքներ առաջին անգամ են անցկացվել:










