Ռուսաստանում կազմել են Պուտինի հավանական հետնորդների ցանկը

12:21 • 21.08.17

2018 թվականին Ռուսաստանում կայանալու են նախագահական ընտրություններ, ինչի կապակցությամբ «Պետերբուրգսկայա պոլիտիկայի» հանրային կապերի զարգացման հիմնադրամը կազմել է գործող նախագահ Վլադիմիր Պուտինի հավանական հետնորդների ցանկը:

Համաձայն դրա՝ ՌԴ նախագահի պաշտոնի գլխավոր հավակնորդներն են վարչապետ Դմիտրի Մեդվեդևն ու Մոսկվայի քաղաքապետ Սերգեյ Սոբյանինը: Բացի այդ, ղեկավարի պաշտոնում Պուտինին փոխարինելու  հնարավորություն ունեն Տուլայի շրջանի ղեկավար Ալեքսեյ Դյումինը, ՌԴ պաշտպանության նախարար Սերգեյ Շոյգուն, ինչպես նաև ՌԴ Դաշնային խորհրդի  նախագահ Վալենտինա Մատվիենկոն:

Պուտինի հավանական հետնորդների լավագույն 10-յակում են ներառվել ՌԴ ֆինանսների նախկին նախարար Ալեքսեյ Կուդրինը, նախագահի աշխատակազմի ղեկավար Անտոն Վայնոն, նրա առաջին տեղակալ Սերգեյ Կիրիենկոն, ՌԴ Պետդումայի նախագահ Վյաչեսլավ Վոլոդինը, «Ռոսնեֆտ» ընկերության նախագահ Իգոր Սեչինը:

Ավելի վաղ Պուտինը հանդիպումներից մեկի ժամանակ հայտարարել էր, որ դեռևս չի որոշել՝ կմասնակցի նախագահական ընտրություններին, թե ոչ: