ԱՄՆ-ն այլևս չի օգտագործի ԶՈՒ-ն հեռավոր վայրերում ժողովրդավարության հաստատման համար. Թրամփ

Միացյալ Նահանգների նախագահ Դոնալդ Թրամփը հայտարարել է, որ Վաշինգտոնն այլևս չի օգտագործի ամերիկյան զինված ուժերն այլ երկրներում ժողովրդավարության հաստատման համար: Նախագահի ելույթի տեսաձայնագրությունը հասանելի է Պենտագոնի կայքում:

«Մենք այլևս չենք օգտագործի ամերիկյան զինված ուժերը հեռավոր վայրերում ժողովրդավարության հաստատման համար, և այլևս չենք փորձի վերականգնել մյուս երկրները մեր նմանությամբ»,- ասել է նա Վաշինգտոնի մոտակայքում գտնվող Ֆորտ-Մայեր ռազմաբազայում ունեցած ելույթի ժամանակ:

Ամերիկացի նախագահի խոսքով՝ ԱՄՆ-ն կհետապնդի ընդհանուր շահեր և նպատակներ իր գործընկերների հետ՝ առանց նրանց կենսակերպը փոխելու փորձերի։