«Մարտն ավարտվելու է ձեր հողերում». ԻՊ-ը տեսահոլովակ է հրապարակել, որում 10-ամյա տղան սպառնում է Թրամփին (լուսանկարներ)
«Իսլամական պետություն» ահաբեկչական խմբավորումը նոր քարոզչական տեսանյութ է հրապարակել, որում 10-ամյա տղան սպառնում է ԱՄՆ նախագահ Դոնալդ Թրամփին, գրում է The Daily Mail-ը:
Տեսանյութում երեխան, ում հայրը, ինչպես նշվում է, ամերիկացի զինվոր է, ով կռվել է Իրաքում, հայտնում է ԱՄՆ նախագահին, որ «մարտն ավարտվելու է ձեր հողերում»:
Տղան Թրամփին անվանում է «հրեաների խամաճիկ»:
Հաղորդվում է, որ տեսանյութը նկարահանվել է Սիրիայի Ռաքքա քաղաքում:
Տեղեկությունների համաձայն՝ տղան, ում անունը Յուսուֆ է, Սիրիա է տեղափոխվել երկու տարի առաջ՝ իր մոր հետ:
Տեսանյութում նա պատմում է ԻՊ-ի դեմ պարբերական օդային հարվածների մասին և նշում, որ պայքարը տեղափոխվելու է Արևմուտք:













