Տեխասում տարերային աղետի ռեժիմ է հայտարարված

14:39 • 24.08.17

ԱՄՆ Տեխաս նահանգի նահանգապետ Գրեգ Էբոթը տարերային աղետի ռեժիմ է հայտարարել նահանգի 30 շրջանների համար՝ Տեխասին մոտեցող «Հարվի» ցիկլոնի հետ կապված, այս մասին տեղեկանում ենք նահանգապետի պաշտոնական կայքէջից:

Ազգային օդերևութաբանական ծառայության և Փոթորիկներին հետևող ազգային կենտրոնի հաղորդած տվյալների համաձայն՝ ցիկլոնը կուժեղանա առաջիկա օրերին: Սպասվում է ջրհեղեղ, ավերիչ քամի և փոթորիկ:

Նահանգապետը նշել է, որ տարերային աղետի մասին պաշտոնական հաղորդագրությունը թույլ կտա պատկան մարմիններին կենտրոնացնել անհրաժեշտ ռեսուրսներն արհավիրքից պաշտպանվելու համար: