Համացանցում է հայտնվել Կիևի զորահանդեսի՝ թռչնի թռիչքի բարձրությունից արված տեսանյութը (տեսանյութ)
Ուկրաինայի ռազմական հեռուստաընկերության YouTube-յան էջում հրապարակվել է նախօրեին Կիևում տեղի ունեցած ռազմական շքերթի՝ թռչնի թռիչքի բարձրությունից արված տեսանյութը:
Նշենք, որ օգոստոսի 24-ին նշվում է Ուկրաինայի անկախության օրը:
Հայտնի է, որ շքերթին մասնակցել է 4.500 ուկրաինացի զինվորական, որոնցից մոտ 1000-ը՝ Դոնբասի զինված հակամարտության մասնակիցներ:
Նշվում է, որ 200 զինվորական պետական պարգևի է արժանացել ցուցաբերած խիզախության համար:
Շքերթին հետևելու համար հատուկ Կիև էին ժամանել տարբեր երկրների պաշտպանության նախարարներ՝ այդ թվում ԱՄՆ ռազմական գերատեսչության ղեկավար Ջեյմս Մեթիսը:
Կիևի գլխավոր հրապարակով ուկրաինացի զինվորականների հետ միասին քայլել են նաև Կանադայի, Մեծ Բրիտանիայի, Էստոնիայի, Ռումինիայի, Լատվիայի, Լիտվայի, Լեհաստանի և ԱՄՆ-ի ԶՈՒ ստորաբաժանումները: Ներկա են գտնվել նաև զինվորականներ Վրաստանից ու Մոլդովայից:










