Եթե Կատալոնիան անկախանա, մենք կհարգենք այդ ընտրությունը, սակայն հանրաքվեից անմիջապես հետո այն չի կարող դառնալ ԵՄ անդամ. Յունկեր

01:22 • 15.09.17

Եվրոպական միությունը սովորություն չունի խառնվելու անդամ-պետությունների ներքին բանավեճերին, հայտարարել է Եվրոպական հանձնաժողովի նախագահ Ժան Կլոդ Յունկերը՝ պարզաբանելով Կատալոնիայի անկախացման շուրջ հանրաքվեի հանդեպ ԵՄ դիրքորոշումը:

«Եթե մեծամասնությունը կողմ լինի Կատալոնիայի անկախացմանը, ապա մենք կհարգենք այդ ընտրությունը, սակայն հանրաքվեից անմիջապես հետո Կատալոնիան չի կարող դառնալ ԵՄ անդամ։  Այն պարտավոր է անցնել ողջ գործընթացը, որը հարկավոր է անդամակցության համար, ինչպես և բոլոր մյուս երկրները, որոնք անդամակցել են կառույցին 2004 թվականից հետո»,- ասել է Յունկերը:

 

Հիշեցնենք, որ Կատալոնիայի անկախացման շուրջ հանրաքվեն նախանշված է այս տարվա հոկտեմբերի 1-ին: