«Հարվի» փոթորկի հետևանքով զոհերի թիվը Տեխասում հասել է 80-ի
ԱՄՆ Տեխաս նահանգում 80-ից ավել մարդ է զոհվել «Հարվի» փոթորկի հետևանքով, որը մոլեգնել էր 3 շաբաթ առաջ և աղետալի ջրհեղեղների պատճառ դարձել Հյուսթոն քաղաքում, գրում է Ինտերֆաքս լրատվական գործակալությունը:
Տեխասի նահանգապետ Գրեգ Էբոթի խոսքերով՝ պաշտոնապես հաստատված է 82 մարդու զոհվելու փաստը, սակայն դեռևս պետք է հաստատվի, որ այդ մահվան դեպքերը հենց փոթորկի հետ են կապակցված։
Տեխասի հասարակական անվտանգության բաժինը հայտնել է, որ շուրջ 140 000 տուն է վնասվել կամ ընդհանրապես ավերվել տեղի ունեցածի հետևանքով։










