Հնդկաստանում շահագործման է հանձնվել 30 տարի կառուցվող ամբարտակը
Հնդկաստանի վարչապետ Նարենդրա Մոդին անցկացրել է Սարդար-Սարովար ամբարտակը շահագործման հանձնելու արարողությունը: Հայտնի է, որ ամբարտակի շինարարությունը սկսվել է 1987 թվականին: Այս մասին հաղորդում է РИА Новости-ն:
Աղբյուրը մանրամասնում է, որ Գուջարաթ նահանգում տեղակայված ամբարտակի բարձրությունը մոտ 139 մետր է, իսկ ծավալը՝ 5.8 միլիարդ խորանարդ մետր: Գյուղատնտեսական նպատակներով ջրից կարող է օգտվել մոտ մեկ միլիոն ֆերմեր, իսկ խմելու ջրի ռեսուրսները հասանելի կլինեն մոտ 40 միլիոն մարդու:
Նշվում է, որ էլեկտրակայանի հզորությունը կլինի 1450 մեգավատ: Էլեկտրաէներգիան կբաշխվի երեք նահանգում՝ Մադյա-Պրադեշ, Մահարաշտրա և Գուջարաթ:
Հայտնի է, որ ամբարտակի շինարարության առաջին քարը դրվել է 1961 թվականին, սակայն նախագծի լիարժեք աշխատանքները մեկնարկել են 1987 թվականին:










