Եղանակն՝ այսօր
Սա խոսում է մեկ բանի մասին, որ մեդիագրագիտության, օրենքով շարժվելու մեծ բաց կա. Գեղամ Մանուկյանը՝ վարչապետի ֆեյսբուքյան էջի հրապարակումների մասին
ՀՀ վարչապետ Նիկոլ Փաշինյանի ֆեյսբուքյան հրապարակումներում ամենաքիչ հետաքրքրողը մեդիագրագիտությունն է, այստեղ ամենակարևորը անձական տվյալները, մարդու անձնական կյանք ներխուժելու հետ կապված օրենքների պահանջները պաշտպանելն է:
Այս մասին Tert.am-ի հետ զրույցում ասաց «Երկիր Մեդիա» հեռուստաընկերության հասարակական-քաղաքական հաղորդումների ղեկավար Գեղամ Մանուկյանը՝ անդրադառնալով Նիկոլ Փաշինյանի ֆեյսբուքյան էջում հրապարակվող լուսանկարներին, որոնցից որոշները, երբ պարզվում է նախկինում է արված, ջնջում է ֆեյսբուքից:
Ինչ վերաբերում է վարչապետի՝ մեդիագրագետ գործելուն, ապա Գեղամ Մանուկյանն ասաց.«Սա խոսում է մեկ բանի մասին, որ մեր երկրում մեդիագրագիտության, օրենքների իմացության և օրենքով շարժվելու մեծ բաց կա»,-ասաց նա:
Դիտարկմանը, թե վարչապետը եղել է լրագրող, հիմա հրապարակումներ է անում, որոնք սխալ տվյալներ են պարունակում, և հեռացնում է էջից, որպես լրագրող կարող էր տիրապետել այդ հարցրերին, սա ի՞նչ է ենթադրում, «Երկիր Մեդիա» հեռուստաընկերության հասարակական-քաղաքական հաղորդումների ղեկավարը նշեց, որ շատ լրագրողներ կան, որ եղել են լրագրող, պատգամավոր են և շարունակում են օրենքներով չշարժվել:
«Սա նշանակում է, որ հայկական մամուլում եղել են խնդիրներ, շարունակում են այդ խնդիրները մեծ հիմնախնդիր մնալ»,-ասաց նա:
Նա նկատեց, որ ամեն քաղաքացի իրավունք ունի իր իրավունքները պաշտպանել, ցանկացածը կարող է դիմել դատական ատյաններին իր իրավունքների պաշտպանության՝ տվյալ դեպքում անձնական կյանքի մեջ ներխուժման համար: «Օրենքների փոփոխություն անհրաժեշտ չէ, օրենքները պաշտպանելու պահանջն է անհրաժեշտ»,-հավելեց նա:
Studio One