Թալանչիներից կվերցնենք փողերը, կզինվենք ու հետ կբերենք մեր հողերը. սգո երթի մասնակից (տեսանյութ)
Թալանչիներից կվերցնենք փողերը, կզինվենք ու հետ կբերենք մեր հողերը: Այս մասին այսօր դեպի Եռաբլուր սգո երթի ժամանակ ասաց մասնակիցներից մեկը: Նրա խոսքով՝ ինքը կամավոր է եղել կռվի ընթացքում՝ հարավային և հյուսիսային ուղղություններով:
«Եկել եմ հարգանքի տուրքս մատուցելու մեր ընկած հերոսներին և սատարելու վարչապետին: Ես սատարում եմ վարչապետին, քանի որ նա ուրիշ ելք չուներ: Ռուս-թուրքական, Պուտին-Էրդողան պարտադրանքով վարչապետն ուրիշ տարբերակ չուներ, վարչապետին մնար, ուրիշ լավ տարբերակով կգնար»,-ասաց նա:
Երթի մասնակիցը նշեց, որ այսօր երթին մասնակցողների դեմ ոչինչ չունի, սակայն, ըստ նրա, այն մարդիկ, որոնք քաղաքական շահարկումներ են անում, պետք է հիշեն՝ ժողովրդի հիշողությունը կարճ չէ:
«Պատմության անիվը հետ չի շրջվում, և հետո նախկիններն ապացուցել են, որ կաշառակեր, թալանչի են: Ես տեսել եմ մեր զինվորների մասնատված մարմինները, և դրանց դղյակները ես եմ անձամբ վառելու: Մեր զինվորները, որ ոչինչ չունեին, այդ սարքած դղյակների պատճառով է»:
Ըստ նրա՝ այս պարտությունը որոշ բարձրաստիճան պաշտոնյաների մեղքով է եղել, քանի որ խուճապ են տարածել:
Մանրամասները՝ տեսանյութում։










