Թրամփի աշխատակազմը մտադիր է փակել Ռուսաստանում ամերիկյան 2 գլխավոր հյուպատոսություն
ԱՄՆ նախագահ Դոնալդ Թրամփի աշխատակազմը մտադիր է փակել Ռուսաստանում ամերիկյան 2 գլխավոր հյուպատոսություն: Այս մասին հայտնում է RT-ն՝ հղում տալով Associated Press-ին:
Գործակալությունն իր հերթին, վկայակոչելով իր աղբյուրները, նշում է, որ ԱՄՆ Պետդեպը դեկտեմբերի 10-ին ամերիկացի օրենսդիրներին տեղեկացրել է Վլադիվոստոկում ԱՄՆ գլխավոր հյուպատոսության ամբողջական փակման, իսկ Եկատերինբուրգում ժամանակավոր դադարեցման մասին:
Հստակեցվում է, որ այդ որոշումն իբրև կապված է Ռուսաստանի տարածքում 2017-ին ամերիկյան դիվանագիտական առաքելությունների աշխատակիցների թվաքանակի կրճատման հետ:
Բացի դա, հաղորդվում է, որ գլխավոր հյուպատոսությունների փակման հստակ ժամկետներ ներկա պահին հայտնի չեն:










