Փաստաբանները երթով գնացին ԱԺ, որտեղ կոչ արեցին ԱԺ փաստաբան պատգամավորներին վայր դնել մանդատները, ապա գնացին Գլխավոր դատախազության մոտ (տեսանյութ)
12։33
Փաստաբանները ԱԺ հանձնեցին երկու փաստաթուղթ։ Դրանցից մեկը մանդատները վայր դնելու կոչ էր՝ ուղղված պատգամավորներ Արթուր Դավթյանին, Աննա Կարապետյանին, Հերիքնազ Տիգրանյանին, Սուրեն Գրիգորյանին, Նիկոլայ Բաղդասարյանին, ովքեր մինչև պատգամավոր լինելը փաստաբաններ էին: Հաջորդ փաստաթուղթն ուղղված է ԱԺ նախագահ Արարատ Միրզոյանին՝ ռազմական դրությունը վերացնելու պահանջով:
Փաստաբաններն այս պահին շարժվում են դեպի Գլխավոր դատախազություն:
12:12
ԱԺ-ից երթով գնալու ենք դեպի Գլխավոր դատախազություն և հանցագործության մասին հաղորդում ենք ներկայացնելու: Այս մասին այսօր փաստաբանների՝ դեպի ԱԺ և Գլխավոր դատախազության երթի ժամանակ ասաց ՀՀ փաստաբանների պալատի նախագահի թեկնածու Արա Զոհրաբյանը:
«Մենք այսօր ԱԺ-ին ներկայացնելու ենք երկու փաստաթուղթ, մեկը հորդոր է ուղղված ԱԺ այն պատգամավորներին, որոնք փաստաբանի կարգավիճակ են ունեցել, իրենց հորդորելու ենք դուրս գալ «Իմ քայլը» խմբակցությունից և որպես անկախ պատգամավորներ գործել: Մյուսը պահանջ է ԱԺ-ին և ԱԺ նախագահին ուղղված, որով պահանջում ենք վերացնել ռազմական դրությունը և նախաձեռնել վարչապետին անվստահություն հայտնելու գործընթաց»,- ասաց նա:












