Թուրքիայի խորհրդարանը երկարաձգել է թուրք զինծառայողներին Լիբիայում տեղակայելու մանդատը  

23:17 • 22.12.20

 

Թուրքիայի խորհրդարանը երեքշաբթի երկարաձգել է երկրի զինված ուժերի ներկայացուցիչներին Լիբիայում տեղակայելու մանդատը: Ինչպես հայտնում է ТАСС գործակալությունն, այս մասին վկայում են խորհրդարանական քվեարկության արդյունքները:

Թուրքիայի նախագահական հրամանագրի համաձայն՝ թուրք զինծառայողները կկարողանան ծառայություն իրականացնել Լիբիայում առաջիկա 18 ամիսների ընթացքում:

Հիշեցնենք, որ այսօր ավելի վաղ ստացված հաղորդման համաձայն՝ Թուրքիան 60 զինծառայող է ուղարկել Ադրբեջան՝ Լեռնային Ղարաբաղում իրավիճակի մշտադիտարկման կենտրոն ստեղծելու մասին համաձայնագրի շրջանակներում: Թուրքիայի ազգային պաշտպանության նախարար Հուլուսի Աքարը հայտնել է, որ ԼՂ-ում նրանց գտնվելու ժամանակահատվածի հարցը կքննարկվի ՌԴ-ի հետ: