ԱՄՆ-ում ՌԴ դեսպանը մեկնաբանել է Ռուսաստանի դեմ ամերիկյան նոր պատժամիջոցները

10:06 • 22.12.20

Վաշինգտոնն իր հակառուսական տագնապով որոշել է հաշվի չնստել սեփական բիզնեսի շահերի հետ, հայտարարել է ԱՄՆ-ում Ռուսաստանի դեսպան Անատոլի Անտոնովը՝ մեկնաբանելով տասնյակ ռուսական ընկերությունների դեմ նոր պատժամիջոցները: Այս մասին գրում է «ՌԻԱ Նովոստի» գործակալությունը:

ԱՄՆ Առևտրի նախարարությունը երկուշաբթի օրը հրապարակել է Ռուսաստանի և Չինաստանի 103 ընկերությունների ցուցակ, որոնք, ըստ Վաշինգտոնի, կապված են զինված ուժերի հետ, ուստի ենթակա կլինեն արտահանման սահմանափակումների: Ցուցակում պաշտոնապես ընդգրկված է Ռուսաստանի 45 ձեռնարկություն:

Անտոնովն ապակառուցողական է որակել ԱՄՆ Առևտրի նախարարության որոշումը: Դեսպանի խոսքով, դա խարխլում է ոչ միայն երկրների միջև տնտեսական շարունակական փոխգործակցությունը, այլև արգելափակում է ցանկացած դրական հեռանկար:

«Հարկ է նշել, որ Վաշինգտոնում հակառուսական տագնապի պայմաններում նրանք որոշել են հաշվի չնստել իրենց բիզնեսի շահերի հետ: Նրանք զրկվում են շատ հեռանկարային ոլորտներում ռուս գործընկերների հետ բնականոն համագործակցության հնարավորությունից»,-ասել է դեսպանը Վաշինգտոնում ՌԴ դիվանագիտական առաքելության կողմից Facebook- ում հրապարակված հայտարարության մեջ:

Ըստ Անտոնովի տվյալների, խոսքը քաղաքացիական ավիացիայի, ճշգրիտ ավտոպատրաստմա, գործիքների պատրաստման, մետաղագործության մասին է:

«Նման քայլերը մեր հարաբերություններն ավելի մեծ ճգնաժամի մեջ են գցում: Դրանից ելքը հնարավոր է միայն այն դեպքում, եթե ԱՄՆ-ն պատրաստ լինի հարաբերություններ կառուցել հավասարության և փոխադարձ հարգանքի սկզբունքների վրա: Մինչ այժմ մենք այդպիսի ցանկություն չենք տեսնում»,-ասել է դիվանագետը: