Չեխիայում խստացվել են COVID-19-ի տարածման դեմ միջոցառումները
Չեխիայում հայտարարվել է համաճարակաբանական սպառնալիքի հինգերորդ՝ առավելագույն մակարդակը և մտցվել են նոր սահմանափակումներ՝ երկրում նոր տեսակի կորոնավիրուսի տարածման ֆոնին: Այս մասին տեղեկացնում է ՌԻԱ Նովոստին՝ Առողջապահության նախարարության ղեկավար Յան Բլատնիի խոսքերին հղումով:
Նշվում է՝ դեկտեմբերի 27-ից բոլոր խանութները փակ կլինեն, բացառությամբ սննդի, կենցաղային ապրանքների, դեղատների ու սպառողական ծառայություններ մատուցող հաստատությունների:
Քաղաքացիների տեղաշարժը հնարավորինս կսահմանափակվի: Նրանք կկարողանան հավաքվել ոչ ավելի, քան երկու հոգանոց խմբերով (բացառությամբ նույն ընտանիքի անդամների):
Բացի այդ՝ Չեխիայում երկարացվել է պարետային ժամը, որը կգործի 21:00-ից 05:00-ն (նախկինում այն սկսվում էր 23:00-ից):










