Թեհրանն ու Բաքուն համաձայնության են եկել Խուդաֆերինի ջրամբարի վրա էլեկտրակայան կառուցելու հարցում

18:12 • 23.12.20

Իրանի էներգետիկայի նախարար Ռեզա Արդաքանյանը հայտարարել է, որ Իրանն ու Ադրբեջանը համաձայնության են եկել Խուդաֆերինի ջրամբարի վրա ջրաէլեկտրակայան կառուցելու հարցի շուրջ: Այս մասին հայտնում է «Մեհր» գործակալությունը:

«Խոշորագույն նախագծերից մեկը, որոնք սկսել են իրագործվել 20 տարի առաջ, Խոդաֆերինի ջրամբարի կառուցումն է Արաքս գետի սահմանին: Այս ջրամբարը կարևոր է և կարող է տարեկան մոտ 1.6 մլրդ խորանարդ մետր ջրի շրջանառություն ապահովել»,- ասել է իրանցի նախարարը՝ հավելելով, որ հողատարածքի ջրամատակարարումն ապահովելուց բացի կայանը նաև էլեկտրաէներեգիա կարտադրի:   

Հիշեցնենք, որ նախօրեին կայացած բանակցությունների արդյունքում Իրանն ու Ադրբեջանը համաձայնություն էին ձեռք բերել արտոնյալ առևտրի շուրջ պայմանագրի հարցում: