Ռոբերտ Քոչարյանը և Վլադիմիր Պուտինը հեռախոսազրույց են ունեցել. 168.am

11:17 • 28.12.20

168.am-ի հաղորդմամբ՝ դեկտեմբերի 18-ին, երբ Հայաստանի երկրորդ Նախագահ Ռոբերտ Քոչարյանը գտնվում էր Մոսկվայում, նրա և ՌԴ նախագահ Վլադիմիր Պուտինի միջև շուրջ մեկ ժամ տևողությամբ հեռախոսազրույց է տեղի ունեցել։

Աղբյուրի հաղորդմամբ՝ զրուցակիցները հարցերի լայն շրջանակ են քննարկել. դրանք առնչվել են Հայաստանի և Արցախի անվտանգության խնդիրներին հետպատերազմական իրողությունների ներքո, տարածաշրջանային հնարավոր զարգացումմերին, Հայաստանում ստեղծված քաղաքական և տնտեսական իրավիճակին։

Տեղեկությունը ճշտելու համար աղբյուրը դիմել է երկրորդ Նախագահի գրասենյակի ղեկավար Վիկտոր Սողոմոնյանին, որն այդ օրը ևս գտնվում էր Մոսկվայում։ Սողոմոնյանը չհերքեց տեղեկությունը՝ միևնույն ժամանակ հրաժարվելով մանրամասներ ներկայացնել զրույցից կամ որևէ կերպ մեկնաբանել այն։

Նյութն ամբողջությամբ՝ սկզբնաղբյուր կայքում: