«Ավելի տաք ձմեռ» արցախցի ընտանիքների համար. TotoGaming-ի նախաձեռնությունը (տեսանյութ)

19:43 • 28.12.20

Ավելի տաք ձմեռ` արցախցի ընտանիքների համար. ձմեռային գլխարկ, շարֆ, գուլպա, գինի և սեր: Արցախից ժամանած 500-ից ավելի ընտանիք TotoGaming ընկերությունից նվերներ ստացան:

Տիկնիկային թատրոնում կազմակերպած բարեգործական միջոցառման նպատակն էր օգնել Հայաստանում գտնվող արցախցիներին ձմեռն անցկացնել ջերմ միջավայրում և զգալ, որ մենակ չեն։

TotoGaming ընկերության մարկետինգի բաժնի ղեկավարի խոսքով՝ նախաձեռնությունը սկսվել է փոքր մտքից, երբ որոշվեց արցախցի երեխաներին տալ գործընկերների համար նախատեսված նվերները, իսկ գործընկերներ կազմակերպություններին նվիրել արցախցի երեխաների կողմից պատրաստված ձեռագործ տիկնիկներ, որոնք հաջողություն և նոր ձեռքբերումներ են խորհրդանշում գալիք 2021 թվականին:

«Ուրախ ենք, որ «TotoGaming» ընկերությունը ինչ-որ կերպ կարողացավ իր ներդրումն ունենալ թե՛ հիմա,  թե՛ ավելի վաղ՝  Արցախից ժամանած մեր հայրենակիցներին աջակցելու համար:  Հուսանք մեր փոքրիկ նվերներով և մեր միջոցառումներով արցախցիների ձմեռն ավելի տաք կդարձնենք»,- ասաց TotoGaming ընկերության մարկետինգի բաժնի ղեկավար Թերեզա Թոքմաջյանը:

Միջոցառման ընթացքում ընկերության ներկայացուցիչները գործընկերների համար նախատեսված ամանորի նվերների փաթեթները տվեցին Արցախից ժամանած ընտանիքներին: Ներկաներից շատերը հուզվում էին՝ հիշելով հայրենի տունը, բայց վերադառնալու հույսի լույսը բոլորի աչքերում վառ էր:

Այս տարի աշունը շատ «ցուրտ» ստացվեց, սակայն ձմեռը կարող է և պետք է «ավելի տաք» լինի՝ բոլորիս ջանքերով:  Ամանորը բարության ժամանակ է։

Մանրամասները՝ տեսանյութում։Լրագրող՝ Լուսինե Զարայելյան