Իսրայելն ու Հունաստանն ամրապնդում են համագործակցությունը պաշտպանական ոլորտում. կողմերը համաձայնության են եկել 1,375 մլրդ եվրո արժողությամբ նախագծի շուրջ

16:11 • 29.12.20

Պաշտպանության ոլորտում առկա իսրայելա-հունական համագործակցությունն էլ ավելի բարձր մակարդակի է հասնում, հայտնում է greekcitytimes.com լրատվական կայքը:

Հինգ ամիս տևած բանակցություններից հետո Հունաստանը և Իսրայելը համաձայնության են եկել՝ Կալամատայի օդանավակայանը թռիչքային ուսուցման կենտրոնի վերափոխելու հարցի շուրջ:

Նախորդ շաբաթ համաձայնագիրը, համապատասխան խորհրդարանական հանձնաժողովին է ներկայացրել պաշտպանության նախարար Նիկոս Պանագիոտոպուլոսը:

Ըստ աղբյուրների՝ նախագիծն իրագործելու համար ընտրվել է իսրայելական Elbit ընկերությունը՝ կանադական CAE- ի փոխարեն:

Տրված առաաջարկի արժեքը 1,375 միլիարդ եվրո է. նախագիծն իրականացվելու է 22 տարվա ընթացքում՝ Իսրայելի հետ միջկառավարական համաձայնագրի շրջանակներում:

Այն Հունաստանի և Իսրայելի միջև պաշտպանական համագործակցության հուշագրի մի մասն է միայն, որը հիմնված է՝ ավելի լայն տարածաշրջանում երկու երկրների ընդհանուր աշխարհառազմավարական և աշխարհաքաղաքական շահերի վրա:

Ուսումնական կենտրոնը նախատեսված է լինելու ոչ միայն Հունաստանի օդուժի, այլ նաև այլ երկրների օդաչուների համար:

Հունաստանը, Կիպրոսը և Իսրայելը պայմանավորվել են խթանել պաշտպանական համագործակցությունը, որի նպատակով, անցյալ ամիս, պաշտպանության նախարար Նիկոս Պանագիոտոպուլոսը հանդիպել է կիպրոսցի և իսրայելցի իր գործընկերներ Չարալամբոս Պետրիդեսի և Բեննի Գանցի հետ:

Քննարկված հարցերի թվում են եղել վերապատրաստման, տեղեկատվության փոխանակման, ծովային անվտանգության և կիբերանվտանգության ոլորտումների համագործակցությունը:

«Մեր համատեղ նպատակն է իրականացնել երկարաժամկետ և էական ռազմավարական համագործակցություն` հիմնված միջազգային իրավունքի և բարիդրացիության սկզբունքների վրա», - հայտնել է Պանագիոտոպուլոսը: