Բայդենը հայտարարել է, որ Պենտագոնի քաղաքական ղեկավարությունը խոչընդոտում է իշխանությունն իր վարչակազմին փոխանցելու գործընթացին

02:56 • 29.12.20

Պենտագոնի քաղաքական ղեկավարությունը խոչընդոտում է հաջորդ վարչակազմին իշխանությունը փոխանցելու գործընթացին, РИА Новости-ի փոխանցմամբ՝ հայտարարել է ԱՄՆ ընտրված նախագահ Ջո Բայդենորոշը:

«Որոշ գերատեսչություններում մեզ ընդառաջ ելան, իսկ որոշներում, հատկապես՝ պաշտպանության նախարարությունում, քաղաքական ղեկավարության կողմից խոչընդոտների ականատես եղանք»,- հայտարարել է Բայդենն անցկացված մամուլի ասուլիսի ընթացքում:

Բայդենն ասել է, որ անվտանգության ապահովման առումով առանցքային նշանակություն ունեցող մի շարք գերատեսչություններ գործող իշխանության օրոք «լուրջ վնաս են հասցրել»:  

Հիշեցնենք, որ ԱՄՆ նախագահական ընտրությունների արդյունքներով դեմոկրատ Ջո Բայդենը ստացել է նախագահ դառնալու համար անհրաժեշտ ավելի քան 270 ձայն ընտրիչների կողմից, իսկ Թրամփը պնդում է, որ ընտակեղծիքներ են եղել, և որ ինքն է հաղթել ընտրություններում: