Ճապոնիայում գրանցվել է կորոնավիրուսի հարավաֆրիկյան շտամի հայտնաբերման առաջին դեպքը

09:38 • 29.12.20

Ճապոնիայում գրանցվել է կորոնավիրուսի հարավաֆրիկյան  շտամի առաջին դեպքը: Այս մասին տեղեկացնում է «ՌԻԱ Նովոստի» գործակալությունը` հղում տալով ճապոնական  NHK հեռուստաալիքին:

Հարավաֆրիկյան Հանրապետությունից ժամանած 30-ամյա կնոջ նոտ կորոնավիրուս է հաստատվել: Վարակիչ հիվանդությունների ազգային հետազոտական ինստիտուտում կատարված հետագա ուսումնասիրությունները ցույց են տվել, որ սա մուտացված վիրուս է, որը տարածվել է  ՀԱՀ-ում:

Բացի այդ, հայտնի է դարձել, որ ևս 6 մարդու մոտ ախտորոշվել է  կորոնավիրուսի բրիտանական շտամ:

Այսպիսով, Ճապոնիայում, ընդհանուր առմամբ, 15 մարդ վարակվել է կորոնավիրուսի նոր շտամներով: