ԵՄ Խորհրդի նախագահությունը կես տարով փոխանցվել է Պորտուգալիային
Հունվարի մեկից Եվրոպական Միության Խորհրդի նախագահությունը Գերմանիայից կես տարով փոխանցվել է Պորտուգալիային, հայտնում է ՏԱՍՍ-ը՝ մանրամասնելով, որ Պորտուգալիան այնուհետև հուլիսի մեկին նախագահությունը կփոխանցի Սլովենիային:
Նշվում է, որ ԵՄ Խորհրդում սա Պորտուգալիայի արդեն չորրրորդ նախագահությունն է, որն իրականացվում է ռոտացիոն սկզբունքով:
Ավելի վաղ երկրի վարչապետ Անտոնիու Կոշտան հայտարարել էր Պորտուգալիայի նախագահաության երեք հիմնական առաջնահերթությունները՝ տնտեսական վերականգնում, սոցիալական հիմքի ամրապնդում և ավելի անկախ, բայց միևնույն ժամանակ աշխարհի համար ավելի բաց Եվրոպայի ստեղծում:
Նախատեսվում է, որ հունվարի հինգին Եվրախորհրդի նախագահ Շառլ Միշելը կայցելի Լիսաբոն, որտեղ կներկայացվի ԵՄ Խորհրդում երկրի նախագահության ծրագիրը:










