Թուրքիայում 10 վայրկյանում կորոնավիրուսը հայտնաբերող սարք է ստեղծվել

14:48 • 05.01.21

Թուրք գիտնականները մշակել են սարք, որն ունակ է տասը վայրկյանում ախտորոշել COVID-19-ը: Այս մասին տեղեկանում ենք Բիլքենթի համալսարանի կայքից:

Diagnovir սարքի սկզբունքը հիմնված է ոչ թե նմուշի կրկնօրինակման, այլ օպտիկական հատկությունների վրա: Փորձարկման համար օգտագործվում է բերանի լորձաթաղանթի նմուշ, որը խառնվում է հատուկ լուծույթով և տեղադրվում է սարքի մեջ:

Նախակլինիկական ուսումնասիրությունների ընթացքում սարքը 99 տոկոս արդյունավետություն է ցույց տվել կորոնավիրուսը հայտնաբերելու հարցում: